5 совети кои можат да ви помогнат да реализите повеќе продажби како туристички агенти

Blog Section Image

Како да дојдете до поголем број на продажби?

Покрај сите обврски коишто како туристички агенти ги имате во рамките на вашата работа, самата помисла дека треба да се грижите и за реализирање на што поголем број продажби со цел туристичката агенција да работи профитабилно, може да ви создава голем притисок. Меѓутоа, доколку започнете да ја доживувате интеракцијата со вашите клиенти како обичен разговор, наместо како промоција на вашите услуги, ќе успеете да реализирате поголем број продажби и ќе ви се намали притисокот од работата.

Разгледајте ги следниве 5 совети, коишто можат да ви помогнат да ја подобрите интеракцијата со клиентите и со самото тоа да продадете повеќе аранжмани:

1. Фокусирајте се на потребите на клиентот, наместо на деталите за услугите кои ги нудите

Размислете што му е потребно на вашиот клиент за да биде задоволен од патувањето, со цел да почувствува дека паметно ги вложува своите тешко заработени пари. Кога клиентот фантазира за својот одмор, најчесто тоа не е поврзано со брендот или логото на одредена туристичка агенција, туку едноставно бара излез од секојдневната рутина. Вие, како агент, можете да му помогнете да ја креира таа фантазија, насликувајќи му ги преку зборови пријатните сензации коишто ќе ги искуси во текот на својот одмор. На пример, опишете колку е прекрасно зајдисонцето на најблиската плажа, колку е пријатен патот со организираниот превоз од ваша страна, какви освежувачки пијалаци има во бич баровите, колку е просечната цена на еден вкусен оброк во околните ресторани итн.

Доколку спрема вашите клиенти се поставите како спрема пријатели, со кои во кафе-муабет им раскажувате какво би им било искуството со аранжманот којшто го нудите, вие ќе формирате поблиска интеракција со нив. Тие ќе имаат поголема доверба во вас дека тоа што го кажувате е точно и ќе можат полесно да си го замислат одморот уште пред да заминат на патувањето.

2. Немојте да претпоставувате дека морате да ја снижите цената

Само затоа што некои потенцијални клиенти уште при самото влегување во туристичката агенција ве прашуваат дали можете да им понудите некоја услуга по истата цена којашто ја виделе на платформите кои нудат зделки на попуст или дали можете да им понудите некој дополнителен попуст, надвор од Early Booking и Last Minute попустите, тоа не значи дека вашиот одговор мора да биде „да“.

Доколку веднаш на клиентот му одговорите потврдно, со тоа автоматски покажувате дека го оправдувате неговото/нејзиното верување дека само цената е важна, а не и услугата. Наместо тоа, можете да го прашате зошто ја одбрал токму таа дестинација/вила или ресорт. Доколку ви одговори дека таа била најевтината понуда која ја нашол, тогаш тој/таа дефинитивно нема да биде вашиот идеален клиент. Но, доколку ви даде некои детали коишто му се допаѓаат во врска со конкретната понуда, тоа ќе ви отвори врата да понудите нешто коешто уште повеќе ќе го воодушеви.

3. Поставувајте ги вистинските прашања

Додека преговарате со вашите клиенти околу одредени аранжмани, секогаш поставувајте им отворени, флексибилни прашања коишто ќе им дадат можност да ви кажат точно што бараат и каков аранжман сакаат да купат. На пример, можете да ги прашате „Со какви спомени сакате да се вратите од вашиот одмор?“, „Кои 3 позитивни искуства можете да ги издвоите од вашето последно патување?“ или „Кој ви бил најдобар одмор досега?“. Од добиените одговори, подобро ќе ги запознаете желбите и приоритети на вашиот клиенти и ќе добиете точна претстава како тие замислуваат нивниот идеален одмор. Врз основа на тоа ќе знаете попрецизно што да им понудите од вашите услуги.

4. Поставете ги прашањата на вистински начин

Кога со вашите клиенти ќе започнете да дискутирате околу деталите за услугите коишто ќе ги користат, обидете се да ги формулирате прашањата на начин коишто ќе им го прошират хоризонтот за разни можности, коишто можеби не ги зеле предвид претходно. Така на пример, наместо да ги прашате „Дали сакате да земете поскапа соба?“, понудете им да направат избор меѓу повеќе опции, потенцирајќи ги предностите на подобрата услуга, без притоа да звучите наметливо. На пример: „Дали сакате да се сместите во двокреветна соба или можеби би сакале да бидете во апартман со кујна, дневна просторија и поголема тераса?“. Доколку го поставите првото прашање, клиентот може воопшто и да не знае дека во апартманот има поголема тераса, а токму тоа би му било важно во текот на престојот.

Исто така, битно е да ги формирате речениците на начин на кој ќе покажете дека му обраќате доволно внимание на вашиот клиент. Па, наместо да го прашате директно „Колкав е буџетот којшто сакате да го потрошите?“, подобро е да го преформулирате прашањето на попрофесионален и префинет начин: „Колку би ви било удобно да потрошите?“. На овој начин, покажувате дека удобноста на вашиот клиент (а не продажбата) ви е од најголемо значење и тоа дефинитивно ќе биде забележано и ценето.

- Напишете ги работните часови во коишто е отворена вашата агенција, како и точната локација на којашто се наоѓа вашето седиште.

- Доколку туристичката агенција во којашто работите е активна и на други социјални мрежи, тогаш дефинитивно тука можете да ги вклучите и линковите до тие профили. На овој начин, на луѓето коишто ретко користат Фејзбујк или повеќе преферираат други социјални мрежи, а сакаат да останат во контакт со вас, ќе им овозможите полесен пристап до вас.

5. Покажете страст за патување

Додека преговарате со клиент, битно е да не заборавате дека луѓето сакаат да бидат возбудени за патувањето коешто го планираат, а тоа значи дека вие како нивен туристички агент треба да покажете голем ентузијазам. Насмевнете се, покажете возбуда и страст додека ги објаснувате возбудливите места коишто клиентот ќе ги посети и искуси на патувањето. Насмевката, ентузијазмот и позитивната енергија се чувствуваат и пренесуваат дури и преку телефонски разговор со клиенти.

Ова значи дека наместо да размислувате како да ги убедите заинтересираните клиенти да ги купат вашите услуги, подобро е да започнете дискусија претпоставувајќи дека луѓето сакаат да купат нешто токму од вашата агенција. Луѓето несомнено сакаат да патуваат и да резервираат аранжмани, но тоа сакаат да го направат со агенти коишто обожуваат да патуваат и умеат да ја пренесат таа страст на своите клиенти.

Со овие совети, ќе ја подобрите вашата стратегија за продажба преку ефективни разговори, благодарение на кои ќе формирате поцврста конекција со вашите клиенти. Среќните клиенти носат поголем број букирања, како и поголем број позитивни препораки на нивните пријатели/роднини за вашите услуги.

извор: https://khmtravel.com/5-tips-to-help-travel-agents-close-more-sales/